首頁 > 社群 > eBay 交易小故事 > 兼職賣家賺外快  
 
姓名 : Zoe
出售類別 : 玩具、公仔
刊登地點 : 美國及英國
每月收入 : 幾百至幾千
 

你點解選擇在 eBay 出售貨品?
我從事秘書工作十幾年,工作穩定,每日都可以準時放工。雖然咁樣好穩定,但係做耐咗,都想試下其他嘢。睇雜誌見到有介紹喺 eBay 做買賣可以賺外快,又可以試下自己賣嘢嘅潛力,就決定試下喺eBay賣。

你點知自己應該賣乜嘢?
我都係諗自己鍾意嘅嘢,我一直都有儲公仔同埋啲得意玩具,其他嘢我都唔熟,所以我就諗試下賣玩具同公仔。

作為賣家,你有冇遇到咩困難?
寫產品說明有困難,因為啲公仔同玩具嘅設計都唔同,要用英文形容得好,都唔容易。不過我參考過其他同類貨品嘅說明,再搵返生產商嘅產品介紹,都應付得到。

另外,初時都唔肯定個定價應該 set 幾多,不過做咗少少 research,知道行情之後,都識得 mark 價。

可以提供一些貼士俾新入門的賣家嗎?
其實我賣嘅嘢都唔算好特別,但係可能我個價夠抵,同埋已經包埋運費,咁我就可以話免運費,買家計落條數,自然覺得吸引。

仲有一樣就係,一定要擺心機,落咗心機,啲嘢賣得出,我就好開心。呢樣係錢以外嘅滿足感。

     
              
 

更多網站導覽