你點知自己應該賣乜嘢？
我都係諗自己鍾意嘅嘢，我一直都有儲公仔同埋啲得意玩具，其他嘢我都唔熟，所以我就諗試下賣玩具同公仔。

作為賣家，你有冇遇到咩困難？
寫產品說明有困難，因為啲公仔同玩具嘅設計都唔同，要用英文形容得好，都唔容易。不過我參考過其他同類貨品嘅說明，再搵返生產商嘅產品介紹，都應付得到。

另外，初時都唔肯定個定價應該 set 幾多，不過做咗少少 research，知道行情之後，都識得 mark 價。

可以提供一些貼士俾新入門的賣家嗎？
其實我賣嘅嘢都唔算好特別，但係可能我個價夠抵，同埋已經包埋運費，咁我就可以話免運費，買家計落條數，自然覺得吸引。

仲有一樣就係，一定要擺心機，落咗心機，啲嘢賣得出，我就好開心。呢樣係錢以外嘅滿足感。